अनुसूची –२
(नियम १५ को उपनियम (३) सँग सम्बन्धित)

वायुयानमा राष्ट्रिय चिह अंकित गर्ने व्यवस्था

१. वायुयानमा राष्ट्रिय र रजिष्ट्रेशन चिन्ह रंगाएर लेखिएको वा अरु कुनै किसिमले रंगाई स्थायी रुपले रहने गरी टाँगिएको हुनुपर्छ र ती चिन्हहरु सदैव सफा र स्पष्ट देखिने गरी राख्नु पर्छ ।

२. चिन्ह पखेटाको तल्लो सतहमा राख्नु पर्छ । यथासम्भव सो चिन्ह पखेटाको अघिल्लो र पछिल्लो भागबाट उत्तिकै टाढा पर्ने बीच भागमा राख्नु पर्छ । अक्षरको शिर पखेटाको अघिल्लो भाग तिर हुनुपर्छ ।

३. वायुयानको पखेटाहरु र पुच्छरको सतहको बीचको फ्यूजलाजको दुवैतर्फ वा पुच्छरको ठाडो (भर्टिकल) सतहको माथिल्लो आधा भागहरुमा देखिने गरी चिन्हरु राख्नुपर्छ । पुच्छरको ठाडो भागको सतहमा मात्र त्यस्तो चिन्ह राखिने भए ती चिन्हहरु दुबैतर्फ लेखिएको वा टाँगिएको हुनुपर्छ । मल्टि भर्टिकल पुच्छरको ठाडो भागमा राखिने भएमा सतहको बाहिरी भागमा लेखिनु पर्छ ।
४. अंक र अक्षरहरु छुटृा छुटृै चिन्ह समूहमा बराबर नापको हुनुपर्छ ।
५. पखेटामा रहेको चिन्हको लम्बाई तीस सेन्टिमिटर (बाह« ईन्च) को हुनुपर्छ ।
६. फ्यूजलाजमा रहने चिन्हहरु फ्यूजलाजको बाहिरी घेरासम्म पुग्ने गरी राख्नु हुँदैन ।
७. ठाडो (भर्टिकल) पुच्छरको सतहमा रहने चिन्ह दुबै किनारादेखि कम से कम पाँच सेन्टिमिटर (दुई ईन्च) टाढा हुनुपर्छ । क्रमसंख्या ६ र ७ मा उल्लेख भएका चिन्हहरुको उचाई पन्ध्र सेन्टिमिटर (छ ईन्च) भन्दा बढी हुने छैन ।

८. अक्षरहरु रोमन लिपिमा बिना बुटृाका ठूला अक्षरले र अंकहरु अरबी लिपिमा बिना बुटृाका हुनुपर्छ ।

९. रोमन अक्षर (आई) र अरबी (अंक) एक बाहेक प्रत्येक अक्षरको चौडाई र धर्को (–) को लम्बाई सो अक्षरको उचाई दुईतिहाई हुनुपर्छ ।
१०. प्रत्येक अक्षर र धर्को (–) ठोस लाईनमा वायुयानको रंगसँग मेल नखाने रंगमा अंकित हुनु पर्दछ । ठोस लाईनहरुको मोटाई अक्षरको उचाईको छ खण्डको एक खण्ड हुनुपर्छ ।
११. प्रत्येक अक्षर अघिल्लो वा पछिल्लो अक्षरबाट अक्षरको चौडाईको एक चौथाईको हिसावले छुटिृएको हुनु पर्दछ । यो खण्डको तात्पर्यको लागि धर्को (–) पनि अक्षर सरह मानिनेछ ।
१२. हवाई जहाज बाहेक अन्य किसिमका वायुयानहरु जस्तो हेलिकोप्टरको पार्टपूर्जाहरु हवाई जहाजको जस्तै नभएमा यस अनुसूचीमा उल्लेख भएका चिन्हहरु स्पष्ट देखिने गरी उपयुक्त स्थानमा राख्न सकिनेछ ।